ការបង្កើតអាជីវកម្មមួយតម្រូវឲ្យមានការរិះគិតពិចារណាឲ្យបាន ល្អិតល្អន់គ្រប់ជ្រុងជ្រោយ មុននឹងសម្រេចបោះទុន ហើយហក់ប្រឡូកខ្លួនចូលឲ្យពេញទំហឹង។ ក្នុងចំណោមចំណុចជាច្រើនក្នុងការបង្កើតអាជីវកម្ម ការធ្វើគម្រោងអាជីវកម្ម ជាចំណុច ដ៏សំខាន់មួយប្រៀបបាននឹងត្រីវិស័យនាំផ្លូវ។ ហេតុដូចនេះទើប Sabay លើកយកសេចក្ដីណែនាំខ្លីៗបីចំណុចពាក់ព័ន្ធនឹងការបង្កើតគម្រោង អាជីវកម្មមកបង្ហាញដល់មិត្តអ្នកអាន។
ផ្នែកសំខាន់មួយក្នុងចំណោមផ្នែកទាំងបីនៃគម្រោងអាជីវកម្មគឺ គំនិតអាជីវកម្ម។ អ្វីជាគំនិតអាជីវកម្ម? គំនិតអាជីវកម្មនិយាយដោយសង្ខេបគឺ ការពិភាក្សាលើមុខជំនួញ ឬសេវាកម្មដែលអ្នកចង់បង្កើតថា ចង់បង្កើតក្នុងរចនាសម្ព័ន្ធបែបណា និងចង់ឲ្យជោគជ័យដោយវិធីណា។
ចំណុចក្រោយគេនៃគម្រោងអាជីវកម្មគឺ ផ្នែកហិរញ្ញវត្ថុ។ តើប្រភពថវិកាសម្រាប់បង្កើតមុខជំនួញថ្មីរបស់អ្នកមកពីណា? ប្រភពទាំងនោះ អាចមកពីការសន្សំប្រាក់ខែរបស់អ្នកផ្ទាល់ ពីមិត្តភ័ក្ដិ សមាជិកគ្រួសារ ពីដៃគូវិនិយោគ កម្ចីហិរញ្ញប្បទាន ឬកម្មវិធីឧបត្ថម្ភផ្សេងៗជាដើម។ ទន្ទឹមគ្នានេះ ត្រូវគិតដល់គម្រោងគ្រប់គ្រងហិរញ្ញវត្ថុពេលដំណើរការអាជីវកម្មផង ដែរ។
បើចង់ឲ្យគម្រោងអាជីវកម្មរបស់អ្នកកាន់តែលម្អិតថែមទៀត អ្នកអាចបំណែកចំណុចទាំងបីខាងលើមកជា ៧ ចំណុចដូចខាងក្រោម៖
១. សេចក្ដីសង្ខេបពីការប្រតិបត្តិ
២. ពណ៌នាពីអាជីវកម្ម
៣. យុទ្ធសាស្ត្រទីផ្សារ
៤. ការវិភាគលើការប្រកួតប្រជែង
៥. គម្រោងរចនាទីតាំងអាជីវកម្ម និងការអភិវឌ្ឍ
៦. គម្រោងដំណើរការ និងគ្រប់គ្រង
៧. កត្តាហិរញ្ញវត្ថុ
0 comments:
Post a Comment